{"time":1584375195000,"blocks":[{"type":"paragraph","data":{"text":"Празднование Собора новомучеников и исповедников Российских совершается в воскресенье 25 января или ближайшее воскресенье после 25 января."}},{"type":"paragraph","data":{"text":"СЛУЖБА<\/b>"}},{"type":"paragraph","data":{"text":"НОВОМУЧЕНИКОМ И ИСПОВЕДНИКОМ<\/b>"}},{"type":"paragraph","data":{"text":"РОССИЙСКИМ<\/b>"}},{"type":"paragraph","data":{"text":"НА МАЛОЙ ВЕЧЕРНИ<\/b>"}},{"type":"paragraph","data":{"text":"На Господи, воззвах: стихиры воскресны гласа.<\/b>Слава, глас 1:<\/b>"}},{"type":"paragraph","data":{"text":"О, велицыи страстотерпцы, \/ новомученицы Российстии, \/ с любовию припадаем к вам \/ и, благоговейно лобызающе раны ваша, \/ прославляем ваша подвиги и молимся: \/ молите о душах наших."}},{"type":"paragraph","data":{"text":"И ныне, Богородичен гласа.<\/b>"}},{"type":"paragraph","data":{"text":"На стиховне стихиры новомучеником, глас 6.<\/b>"}},{"type":"paragraph","data":{"text":"Подобен:<\/b> Тридневен:"}},{"type":"paragraph","data":{"text":"Помяни, Господи, иже о Тебе пострадавшия, \/ новыя страстотерпцы, \/ от родов наших прозябшия \/ и муки многоразличныя претерпевшия, \/ и приими их моления \/ о спасении нашем."}},{"type":"paragraph","data":{"text":"Стих<\/b>: Мне же зело честни быша \/ друзи Твои, Боже."}},{"type":"paragraph","data":{"text":"Даровал еси, Судие праведный, \/ исповедником Церкве Российския \/ Царство Небесное \/ и блаженство вечное. \/ Приими ныне, Господи, моление их \/ о спасении душ наших."}},{"type":"paragraph","data":{"text":"Стих:<\/b> Изочту их \/ и паче песка умножатся."}},{"type":"paragraph","data":{"text":"Яко звезды пресветлыя, \/ сияют на Небеси новомученицы Российстии, \/ кровь же их святая удобри землю Русскую \/ во освящение и благословение. \/ Тех молитвами, Христе Боже, \/ помилуй и спаси души наша."}},{"type":"paragraph","data":{"text":"Слава, глас и подобен тойже:<\/b>"}},{"type":"paragraph","data":{"text":"О, Троице Пресвятая, \/ род наш от греховнаго пленения избави \/ и на путь правый настави \/ предстательством новомученик Российских, \/ иже молят Тя, Триипостасный Боже, \/ о спасении душ наших."}},{"type":"paragraph","data":{"text":"И ныне, Богородичен:<\/b>"}},{"type":"paragraph","data":{"text":"О, Благодатная и Пречистая Дево Марие, \/ Ходатаице и Заступнице всех верных, \/ предстательством новомучеников и исповедников Российских \/ расточенныя собери, малодушныя возстави, \/ отпадшыя же от святыя веры обрати \/и в церковное лоно возврати."}},{"type":"paragraph","data":{"text":"Тропарь воскресен.<\/b>"}},{"type":"paragraph","data":{"text":"Слава, новомучеником. И ныне, Богородичен.<\/b>"}},{"type":"paragraph","data":{"text":"НА ВЕЛИЦЕЙ ВЕЧЕРНИ<\/b>"}},{"type":"paragraph","data":{"text":"Блажен муж: 1-й антифон.<\/b>"}},{"type":"paragraph","data":{"text":"На Господи, воззвах: стихиры воскресны гласа<\/b>"}},{"type":"paragraph","data":{"text":"и стихиры новомучеников, глас 5.<\/b>"}},{"type":"paragraph","data":{"text":"Подобен:<\/b> Радуйся:"}},{"type":"paragraph","data":{"text":"Радуйтеся, новомученицы и исповедницы Российстии, \/ православных удобрение, \/ новозакланнии агнцы, \/ веры поборницы и хранителие, \/ ходатаи о нас к Богу непостыднии, \/ в лета последняя \/ страданьми подражатели первым мучеником явистеся, \/ терпения столпи непоколебимии, \/ душам нашим испросите велию милость."}},{"type":"paragraph","data":{"text":"Радуйтеся, страстотерпцы славнии, \/ стопам последующе древних мученик, \/ веры ради подвизастеся твердо \/ в лютая времена земли нашея, \/ и ныне всех подвизаете к славе и хвалению Бога, \/ укрепльшаго ваше немощное естество \/ и обогатившаго вас дарованьми Духа, \/ во спасение душ наших."}},{"type":"paragraph","data":{"text":"Глас и подобен тойже:<\/b>"}},{"type":"paragraph","data":{"text":"Творение святителя Афанасия Ковровскаго.<\/b>"}},{"type":"paragraph","data":{"text":"Приидите, Небеснии предстателие наши, к нам, \/ вашего чающим милостивнаго посещения, \/ и избавите озлобленныя мучительскими прещении \/ и лютаго неистовства неверных, \/ от нихже, яко пленницы и нази, гоними есмы, \/ от места на место часто преходяще \/ и заблуждающе в вертепех и горах. \/ Ущедрите убо, прехвальнии, \/ и даруйте нам ослабу, \/ утолите бурю \/ и угасите еже на ны негодование, \/ Бога моляще, \/ подающаго вами Земли нашей велию милость."}},{"type":"paragraph","data":{"text":"Ины стихиры новомучеником, глас 6.<\/b>"}},{"type":"paragraph","data":{"text":"Подобен:<\/b> Все отложше:"}},{"type":"paragraph","data":{"text":"Святителю отче Тихоне, \/ архипастырю многострадальне, \/ ты в годину лютых безбожных гонений \/ верная чада Церкве Российския, \/ утешая, призывал еси \/ за Христа и веру Православную мужественне стояти, \/ сам же, по вся дни умирая за паству твою, \/ исповедник непоколебимый явился еси. \/ Сего ради тя с любовию прославляем."}},{"type":"paragraph","data":{"text":"Пастырю истинный \/ священномучениче Владимире, \/ егда беззаконнии понуждаху тя \/ Церкве Российския отступити, \/ верен делом и словом \/ святителю Тихону пребыл еси \/ и, яко священная жертва, от Киева, матере градов русских, \/ Богу принеслся еси, \/ моляся о убивающих тя. \/ Сего ради тя усердно прославляем."}},{"type":"paragraph","data":{"text":"Священномучениче Вениамине, \/ Церкве Христовы истинный сыне \/ и благостояния Ея усердный ревнителю, \/ противу лжепастырей, тщащихся расхитите стадо твое, \/ мужественне стал еси \/ и, не убоявся прещения и лжесвидетельств мучителей, \/ обратил еси суд на главу судивших тя, \/ таже смертию твоею \/ Православие утвердил еси. \/ Сего ради тя усердно ублажаем."}},{"type":"paragraph","data":{"text":"Слава, новомучеником, глас 5:<\/b>"}},{"type":"paragraph","data":{"text":"Всевышний Владыко, \/ в Троице славимый и покланяемый, \/ ущедри ны благоприятными мольбами \/ новых мученик Твоих, \/ пред мучители дерзновенно исповедавших Тя, \/ Единого истиннаго Бога, \/ и Твое, Сыне Божий, \/ неизреченное от Матере Девы \/ спасительное воплощение."}},{"type":"paragraph","data":{"text":"И ныне, Богородичен.<\/b>"}},{"type":"paragraph","data":{"text":"Вход. Прокимен дне. И чтения новомучеником.<\/b>"}},{"type":"paragraph","data":{"text":"Деяний святых апостол чтение (4,6-31):<\/b>"}},{"type":"paragraph","data":{"text":"В тыя дни собрашася во Иерусалим князи, старцы, книжницы \/ и елицы беша от рода архиерейска. \/ И, поставльше Петра и Иоанна посреде, вопрошаху: \/ коею силою или коим именем исцелиста хромаго. \/ Петр, исполнився Духа Свята, рече: \/ князи людстии и старцы Исраилевы, \/ аще мы днесь истязуеми есмы о благодеянии человека немощна, \/ о чесом сей спасеся, \/ разумно буди всем вам и всем людем Исраилевым, \/ яко во имя Иисуса Христа Назореа, \/ Его же вы распясте, \/ Егоже Бог воскреси от мертвых, \/ о Cем cей стоит пред вами здрав: \/ Сей есть камень, укореный от вас зиждущих, \/ бывый во главу угла, \/ и несть ни о единем же инем спасения: \/ несть бо иного имени под небесем, даннаго в человецех, \/ о немже подобает спастися нам. \/ Видяще же Петрово дерзновение и Иоанново и разумевше, \/ яко человека некнижна еста и проста, дивляхуся, \/ знаху же их, яко со Иисусом беста: \/ видяще же изцелевшаго человека с нима стояща, \/ ничтоже имяху противу рещи. \/ Повелевше же има вон из сонмища изыти, \/ стязахуся друг со другом, глаголюще: \/ что сотворим человекома сима; \/ яко убо нарочитое знамение бысть има, \/ всем живущим во Иерусалиме яве, \/ и не можем отврещися: \/ но да не более прострется в людех, \/ прещением да запретим има ктому не глаголати о имени сем ни единому от человек. \/ И призваше их, \/ заповедаша има отнюдь не провещавати ниже учити о имени Иисусове. \/ Петр же и Иоанн отвещавша к ним реста: \/ аще праведно есть пред Богом \/ вас послушати паче, нежели Бога, судите: \/ не можем бо мы, яже видехом и слышахом, не глаголати. \/ Они же призапрещше има, пустиша я, \/ ничтоже обретше како мучити их, людий ради, \/ яко вси прославляху Бога о бывшем: \/ лет бо бяше множае четыредесяти человек той, \/ на немже бысть чудо сие изцеления. \/ Отпущена же бывша приидоста ко своим и возвестиста, \/ елика к нима архиерее и старцы реша. \/ Они же, слышавше, единодушно воздвигоша глас к Богу и рекоша: \/ Владыко, Ты, Боже, сотворивый небо и землю и море и вся, яже в них, \/ иже Духом Святым усты отца нашего Давида отрока Твоего рекл еси: \/ вскую шаташася языцы, и людие поучишася тщетным; \/ предсташа царие земстии, \/ и князи собрашася вкупе на Господа и на Христа Его. \/ Собрашася бо воистинну во граде сем на святаго отрока Твоего Иисуса, \/ Егоже помазал еси, \/ Ирод же и Понтийский Пилат с языки и людьми Исраилевыми, \/ сотворити, елика рука Твоя и совет Твой преднарече быти: \/ и ныне, Господи, призри на прещения их \/ и даждь рабом Твоим со всяким дерзновением глаголати слово Твое, \/ внегда руку Твою прострети Ти во исцеления, \/ и знамением и чудесем бывати Именем святым отрока Твоего Иисуса. \/ И помолившимся им, подвижеся место, идеже бяху собрани, \/ и исполнишася вси Духа Свята \/ и глаголаху слово Божие со дерзновением."}},{"type":"paragraph","data":{"text":"К Тимофею послания<\/b>"}},{"type":"paragraph","data":{"text":"святаго апостола Павла чтение (2 Тим. 4,1-8):<\/b>"}},{"type":"paragraph","data":{"text":"Чадо Тимофее, \/ засвидетельствую убо аз пред Богом и Господем нашим Иисус Христом, \/ хотящим судити живым и мертвым в явлении Его и царствии Его: \/ Проповедуй слово, \/ настой благовременне и безвременне, \/ обличи, запрети, умоли со всяким долготерпением и учением. \/ Будет во время, егда здраваго учения не послушают, \/ но по своих похотех изберут себе учители, чешеми слухом, \/ и от истины слух отвратят, и к баснем уклонятся. \/ Ты же трезвися о всем, злопостражди, \/ дело сотвори благовестника, \/ служение твое известно сотвори. \/ Аз бо уже жрен бываю, \/ и время моего отшествия наста. \/ Подвигом добрым подвизахся, \/ течение скончах, веру соблюдох. \/ Прочее убо соблюдается мне венец правды \/ егоже воздаст ми Господь в день он, праведный Судия, \/ не токмо же мне, но и всем возлюбльшим явление Его."}},{"type":"paragraph","data":{"text":"Ко Евреем послания<\/b>"}},{"type":"paragraph","data":{"text":"святаго апостола Павла чтение (11,33-40):<\/b>"}},{"type":"paragraph","data":{"text":"Братие, \/ иже верою победита царствия, \/ содеяша правду, получиша обетования, \/ заградиша уста львов, \/ угасиша силу огненную, \/ избегоша острея меча, \/ возмогоша от немощи, \/ быша крепцы во бранех, \/ обратиша в бегство полки чуждих. \/ Прияша жены от воскресения мертвых своих. \/ Инии же избиени быша, не приемше избавления, \/ да лучшее воскресение улучат. \/ Друзии же руганием и ранами искушение прияша, \/ еще же и узами и темницею. \/ Камением побиени быша, \/ претрени быша, искушени быша, \/ убийством меча умроша, \/ проидоша в милотех, и в козиях кожах, \/ лишени, скорбяще, озлоблени. \/ Ихже не бе достоин весь мир, \/ в пустынях скитающеся и в горах и в вертепах и в пропастех земных. \/ И сии вси, послушествовани бывше верою, не прияша обетования. \/ Богу лучшее что о нас предзревшу, \/ да не без нас совершенство приимут."}},{"type":"paragraph","data":{"text":"На литии стихира новомучеником, глас 6.<\/b>"}},{"type":"paragraph","data":{"text":"Подобен:<\/b> Отчаянная:"}},{"type":"paragraph","data":{"text":"Творение святителя Афанасия Ковровскаго.<\/b>"}},{"type":"paragraph","data":{"text":"Отчаянии есмы \/ жития ради \/ и не имамы нрава добродетельна, \/ яко миро, приносим Ти, Господи, \/ молитвы святых сродников наших. \/ Не отвержи Русь издревле Святую, \/ ныне же грехов наших ради люте страждующую. \/ Не презри слезы верных сынов, \/ колен своих пред Ваалом не преклонявших, \/ и ихже не поразил еси, согрешающих. \/ Приими нас, кающихся, Боже, \/ святых Твоих мольбами."}},{"type":"paragraph","data":{"text":"Слава, глас 8:<\/b>"}},{"type":"paragraph","data":{"text":"Приидите, мучениколюбцы, \/ приидите, составим лик, \/ торжествующе и Бога прославляюще \/ в радостный праздник новомучеников и исповедников Российских, \/ сии бо не уклонишася скорби, \/ ни убояшася темницы, \/ горькими работы, гладом и хладом изморени \/ и многовидными муками умерщвляеми, \/ яко агнцы незлобивии, смерть прияша. \/ И ныне в радости святых \/ молят Триединаго Бога о земнем отечестве своем."}},{"type":"paragraph","data":{"text":"И ныне, глас тойже:<\/b>"}},{"type":"paragraph","data":{"text":"Владычице, приими молитвы раб Твоих \/ и избави нас \/ от всякия нужды и печали."}},{"type":"paragraph","data":{"text":"На стиховне стихира воскресна гласа."}},{"type":"paragraph","data":{"text":"Таже стихиры новомучеником, глас 2.<\/b>"}},{"type":"paragraph","data":{"text":"Подобен:<\/b> Доме Евфрафов:"}},{"type":"paragraph","data":{"text":"Творение святителя Афанасия Ковровскаго.<\/b>"}},{"type":"paragraph","data":{"text":"Земле Русская, \/ граде святый, \/ украшай твой дом, \/ в немже Божественный \/ велий сонм святых прослави."}},{"type":"paragraph","data":{"text":"Стих:<\/b> Господи, Господь наш, \/ яко чудно Имя Твое по всей земли."}},{"type":"paragraph","data":{"text":"Церковь Русская, \/ красуйся и ликуй, \/ се бо чада твоя \/ Престолу Владычню \/ во славе предстоят, радующеся."}},{"type":"paragraph","data":{"text":"Стих:<\/b> Святым, иже суть на земли Его, \/ удиви Господь вся хотения Своя в них."}},{"type":"paragraph","data":{"text":"Соборе святых русских, \/ полче Божественный, \/ молитеся ко Господу \/ о земном отечестве вашем \/ и о почитающих вас любовию."}},{"type":"paragraph","data":{"text":"Слава, глас и подобен тойже:<\/b>"}},{"type":"paragraph","data":{"text":"Новый доме Евфрафов, \/ уделе избранный, \/ Русь Святая, \/ храни веру Православную, \/ в нейже тебе утверждение."}},{"type":"paragraph","data":{"text":"И ныне, Богородичен, глас 8.<\/b>"}},{"type":"paragraph","data":{"text":"Подобен:<\/b> О, преславнаго чудесе:"}},{"type":"paragraph","data":{"text":"О, преславнаго чудесе! \/ Небесе и земли Царица, \/ от святых сродников наших умоляемая, \/ до ныне землю Русскую покрывает \/ и лика Своего изображении милостивно обогащает. \/ О, Владычице Державная! \/ Не престани и на будущее время \/ во утверждение на Руси Православия \/ милости и чудеса изливати до века. Аминь."}},{"type":"paragraph","data":{"text":"На благословении хлебов Богородице Дево: дважды, и тропарь новомучеником, глас 4, единожды."}},{"type":"paragraph","data":{"text":"Тропарь новомучеником, глас 4:<\/b>"}},{"type":"paragraph","data":{"text":"Днесь радостно ликует Церковь Русская, \/ прославляющи новомученики и исповедники своя: \/ святители и иереи, \/ Царственныя страстотерпцы, \/ благоверныя князи и княгини, \/ преподобныя мужи и жены \/ и вся православныя христианы, \/ во дни гонения безбожнаго \/ жизнь свою за веру во Христа положившия \/ и кровьми Истину соблюдшия. \/ Тех предстательством, Долготерпеливе Господи, \/ страну нашу в Православии сохрани \/ до скончания века."}},{"type":"paragraph","data":{"text":"НА УТРЕНИ<\/b>"}},{"type":"paragraph","data":{"text":"На Бог Господь: тропарь воскресен (дважды).<\/b>"}},{"type":"paragraph","data":{"text":"Слава, новомучеником. И ныне, Богородичен."}},{"type":"paragraph","data":{"text":"По 1-м стихословии седален, глас 4:<\/b>"}},{"type":"paragraph","data":{"text":"Новомученицы Российстии, \/ кровию своею веру запечатлевшии, \/ Владыку всех молите \/ Церковь Русскую в Православии утвердити, \/ землю нашу от скверн очистити, \/ люди во благочестии сохранити \/ во общее всех спасение."}},{"type":"paragraph","data":{"text":"По 2-м стихословии седален, глас 4:<\/b>"}},{"type":"paragraph","data":{"text":"Иже в земли Российстей новомученик и исповедник Твоих, \/ яко багряницею и виссом, кровьми Церковь Русская, украсившися, Христе Боже, теми вопиет Ти: \/ людем щедроты твоя низпосли, \/ мир жительству Твоему даруй \/ и душам нашим велию милость."}},{"type":"paragraph","data":{"text":"Величание:<\/b>"}},{"type":"paragraph","data":{"text":"Величаем вас, \/ святии новомученицы и исповедницы Российстии, \/ и чтим честная страдания ваша, \/ яже за Христа \/ претерпели есте."}},{"type":"paragraph","data":{"text":"Псалом избранный: Бог нам прибежище и сила:"}},{"type":"paragraph","data":{"text":"Аще храм святым, по полиелеи седален, глас 6:"}},{"type":"paragraph","data":{"text":"Творение святителя Афанасия Ковровскаго."}},{"type":"paragraph","data":{"text":"Мужайся, Христова Церковь, \/ и державствуй над всуе борющими! \/ Христови бо друзи о тебе пекутся \/ и, предстояще и обстояще, \/ ихже общий праздник \/ ныне совершаеши светло."}},{"type":"paragraph","data":{"text":"Прокимен, глас 4: Проидохом сквозе огнь и воду, \/ и извел еси ны в покой."}},{"type":"paragraph","data":{"text":"Стих: Разжегл ны еси, якоже разжизается сребро."}},{"type":"paragraph","data":{"text":"Евангелие от Матфея, зачало 36 (10, 16-22).<\/b>"}},{"type":"paragraph","data":{"text":"По 50-м псалме стихира, глас 6:"}},{"type":"paragraph","data":{"text":"Церкве Русския столпи непоколебимии, \/ соборе новомучеников и исповедников Российских, \/сердцем верующе в правду, \/ усты Господа Иисуса Христа исповедали есте во спасение, \/ и заточения, изгнания, горькия работы и смерть \/ Бога ради сладце претерпели есте. \/ Темже тепле молитеся ко Господу, \/ Русь Святую в Православии утвердити \/ и спасти души наша."}},{"type":"paragraph","data":{"text":"Канон новомучеником, глас 6.<\/b>"}},{"type":"paragraph","data":{"text":"Песнь 1<\/b>"}},{"type":"paragraph","data":{"text":"Ирмос: Сеченное сечется \/ море Чермное, \/ волнопитаемая же изсушается глубина, \/ таяжде купно безоружным бывши проходима и всеоружным гроб. \/ Песнь же богокрасная воспевашеся: \/славно прославися Христос Бог наш."}},{"type":"paragraph","data":{"text":"Припев: Святии новомученицы и исповедницы Российстии, \/ молите Бога о нас"}},{"type":"paragraph","data":{"text":"Господи, Боже наш, присно прославляющий вся святыя, \/ ныне и нас, недостойных, сподоби сыновне прославити святых сродников наших, \/ новомучеников и исповедников российских."}},{"type":"paragraph","data":{"text":"Кровьми вашими священномученицы, яко в Чермнем мори, потопили есте безбожныя мучители, \/ Церковь же Русская, вами красящися, \/ похвалы победныя, яко земля обетованная мед и млеко, вам источает."}},{"type":"paragraph","data":{"text":"Егда дадеся вам благодать, не точию во Христа веровати, \/ но и по Нем страдати, \/ немокренно пучину кровных мук проидосте, святии мученицы, \/ верным сыновом российским образ явльше, \/ и со дерзновенным исповеданием во врата Небесная внидосте."}},{"type":"paragraph","data":{"text":"Богородичен: Приими песнь хвалебную от недостойных уст возносимую, \/ препрославленная Мати Божия."}},{"type":"paragraph","data":{"text":"Песнь 3<\/b>"}},{"type":"paragraph","data":{"text":"Ирмос: Господь Сый всех и Зиждитель Бог, \/ созданное, безстрастный обнищав, Себе соедини, \/ и Пасха, за яже хотяше умрети, \/Сам Сый Себе предпожре \/ядите, вопия, Тело Мое, \/и верою утвердитеся."}},{"type":"paragraph","data":{"text":"Егда буря нечестия на Церковь Русскую воздвижеся, \/ вы, святии новомученицы, страданьми вашими со тщанием укротисте ю \/ и подвиги вашими Православие утвердисте."}},{"type":"paragraph","data":{"text":"Муки велия за Церковь Христову претерпесте, святии новомученицы, \/ молите утвердитися Ей незыблемей и непоколебимей до скончания века."}},{"type":"paragraph","data":{"text":"Страданьми и исповеданием Христа, святии сродницы наши, \/ вшедше в Небесная селения, яко древле Исраиль в земно обетованную, \/ отечество ваше земное, Русь Святую, \/ в любви сохраняйте молитвами вашими."}},{"type":"paragraph","data":{"text":"Богородичен: Небесных кругов вышшая \/ и славою Божественною преукрашенная, Дево Мати Божия, \/ спаси души наша."}},{"type":"paragraph","data":{"text":"Седален, глас 2:"}},{"type":"paragraph","data":{"text":"Новии страстотерпцы Российстии, \/ мученически поприще земное скончавшии и страданьми дерзновение ко Господу приобретшии, \/ молитеся Ему, вас укрепльшему, \/ да и мы, егда найдет на ны испытания час, \/ мужества дар Божий восприимем."}},{"type":"paragraph","data":{"text":"Песнь 4<\/b>"}},{"type":"paragraph","data":{"text":"Ирмос: Провидев пророк \/тайну Твою неизреченную, Христе, провозгласи: \/ положил еси твердую любовь крепости, Отче Щедрый, \/Единородного бо Сына, Благий, \/ очищение в мир послал еси."}},{"type":"paragraph","data":{"text":"Всем концем земли явися чудо смотрения Твоего, Владыко, \/ кровию бо новомученик, яко водою, угасил еси в Российстей земли пламень нечестия и развращения, \/ и спасл еси люди Твоя."}},{"type":"paragraph","data":{"text":"Славу Божию наследовали есте, новомученицы, просиявшии в земли нашей, \/ отвергшеся бо себе и страх смертный препобедивше, \/ любовь к Богу даже до смерти мужественне сохранили есте."}},{"type":"paragraph","data":{"text":"Подвигом добрым подвизавшиися, святии новомученицы Российстии, \/ к покаянию и добродетельному житию подвигните нас, \/ да и мы вашими молитвами сподобимся прославляти Господа во Царствии Его."}},{"type":"paragraph","data":{"text":"Богородичен: На Твой надеющеся покров, Мати Божия, \/ со святыми новомученики и исповедники Российскими прославляем милосердие Твое."}},{"type":"paragraph","data":{"text":"Песнь 5<\/b>"}},{"type":"paragraph","data":{"text":"Ирмос: Союзом любве \/ связуеми апостоли, \/ владычествующему всеми себе Христу возложше, \/ красны ноги очищаху, \/ благовествующе всем мир."}},{"type":"paragraph","data":{"text":"Дерзновенно, святии, исповедали есте Господа пред отступники и гонители: \/ с нами Бог, взывающе, разумейте и покаряйтеся, \/ страха вашего не убоимся, ниже смутимся, яко с нами Бог."}},{"type":"paragraph","data":{"text":"Уврачуйте молитвами вашими, святии новомученицы Российстии, \/ люди богоборныя, враждою и убийствы дышущия, \/ и мир стране нашей и верным людем даруйте."}},{"type":"paragraph","data":{"text":"Предстояще Христу, власть имущу судити всему миру, \/ святии новомученицы и исповедницы Российстии, \/ очистите нас от грехов наших молитвами вашими, \/ да не с миром осуждени будем."}},{"type":"paragraph","data":{"text":"Богородичен: Водворяет ны змий во юдоль плача и чаяния злых, \/ не можем терпети скорби своея, взываху новомученицы, \/ Ты же, Богородительнице, простерла еси им покров Свой \/ и спасла еси от сетей вражиих."}},{"type":"paragraph","data":{"text":"Песнь 6<\/b>"}},{"type":"paragraph","data":{"text":"Ирмос: Бездна последняя грехов обыде мя \/ и волнения не ктому терпя, \/яко Иона, Владыце вопию Ти: \/от тли мя возведи."}},{"type":"paragraph","data":{"text":"Волны безбожнаго нечестия тщашася потопити корабль Церкве Русския, \/ Ты же, Истинный Кормчий, спасл еси шествующия на нем молитвами страстотерпцев Российских, вопиющих: \/ Господи Сил, из смертоносныя глубины возведи ны."}},{"type":"paragraph","data":{"text":"Безбожнии внуцы Каиновы святыни церковныя поруганию и огню предаша, \/ обители разориша, храмы, яко овощныя хранилища, содеяша, \/ христолюбивыя люди в темницы заключиша и умучиша. \/ Вы же, страстотерпцы, с любовию учили есте: \/ сие бысть по грехом нашим, людие, покайтеся."}},{"type":"paragraph","data":{"text":"Увы нам, увы, вопияху исповедницы Российстии, \/ видяще, яко безумнии богоборцы святыни земли нашей разориша, \/ обители, яко узилища темничная, содеяша, \/ храмы Божии в скверная и позорищная места обратиша \/ и кровь христианскую в них пролияша. \/ Сего ради опустошишася сердца нечестивых \/ и живот их аду приближися."}},{"type":"paragraph","data":{"text":"Богородичен: Изведи нас из рова погибели \/ и уврачуй наша греховныя язвы, Пресвятая Мати Дево, \/ да неосужденно сподобимся присно прославляти новомученики Сына Твоего и Бога нашего."}},{"type":"paragraph","data":{"text":"Кондак новомучеником, глас 3."}},{"type":"paragraph","data":{"text":"Подобен: Дева днесь:"}},{"type":"paragraph","data":{"text":"Днесь новомученицы Российстии \/ в ризах белых предстоят Агнцу Божию \/ и со Ангелы песнь победную воспевают Богу: \/ благословение, и слава, и премудрость, \/ и хвала, и честь, \/ и сила, и крепость \/ нашему Богу \/ во веки веков. Аминь."}},{"type":"paragraph","data":{"text":"Песнь 7<\/b>"}},{"type":"paragraph","data":{"text":"Ирмос: Отроцы в Вавилоне \/ пещнаго пламене не убояшася, \/ но посреде пламене ввержени, \/орошаемы пояху: \/ благословен еси Господи Боже отец наших."}},{"type":"paragraph","data":{"text":"Отроцы в Вавилоне древле, яко основание, \/ новомученицы же Российстии ныне, яко увенчание, \/ с лики страстотерпец присно взывают: \/ благословен еси, Господи Боже отец наших."}},{"type":"paragraph","data":{"text":"Отроцы в Вавилоне пещнаго пламене не убояшася, \/ новомученицы же Российстии, тем подражающе, \/ гонения безбожных в ничтоже вмениша, \/ темже ныне согласно с ними воспевают: \/ благословен еси, Господи Боже отец наших."}},{"type":"paragraph","data":{"text":"Днесь торжествует Церковь Русская, \/ святии бо новомученицы, сродницы наши, \/ к ликостоянием святых от века Богу благоугодившим присовокупившеся, \/ согласно с ними воспевают хвалебную песнь: \/ благословен еси, Боже отец наших."}},{"type":"paragraph","data":{"text":"Богородичен: Предстоящи Ти Кресту Сына Твоего, Богомати, \/ оружие пройде душу Твою, \/ темже и попечение сугубое о возлюбивших Его прияла еси, \/ иже Тя сыновне величают: \/ благословена Ты в женах еси, Всенепорочная Владычице."}},{"type":"paragraph","data":{"text":"Песнь 8<\/b>"}},{"type":"paragraph","data":{"text":"Ирмос: За законы отеческия \/ блаженнии в Вавилоне юношы предбедствующе, \/ царюющаго оплеваша повеление безумное, \/и, совокуплены, имже не сваришася огнем, \/ державствующему достойную воспеваху песнь: \/ Господа пойте, дела, \/ и превозносите во вся веки."}},{"type":"paragraph","data":{"text":"Законы Христовы возлюбиша новомученицы и исповедницы Российстии, \/ безбожная же повеления отринуша \/ и, ревностию о Бозе связуемии, \/ Богу победную песнь воспеваху: \/ да благословит Господа Русь Святая и превозносит Его во веки."}},{"type":"paragraph","data":{"text":"Егда земля Российская тьмою безбожия и каиновым озлоблением объята бысть, \/ тогда мнози христолюбивии людие на горькия работы изгнани быша \/ и глад, мраз, зной и смерть лютую мужественно претерпеша, \/ верою же, надеждею и любовию совокуплени, \/ достойную воспеваху песнь: \/ да благословит Господа Русь Святая и превозносит Его во веки."}},{"type":"paragraph","data":{"text":"Ангелов хвалу и новомучеников славословие милостивно приемляй, \/ не отрини, Трииностасный Боже, от сонма их и нас, недостойных, \/ но сподоби вкупе с ними воспевати: \/ да благословит Господа Русь Святая и превозносит Его во веки."}},{"type":"paragraph","data":{"text":"Богородичен: Зрящи поругание святаго удела Своего, \/ скорбяше Пречистая Матерь и державную помощь верным людем простираше, \/ Сына же Своего усердно моляше, взывающи: \/ да благословит Господа Русь Святая и превозносит Его во веки."}},{"type":"paragraph","data":{"text":"Песнь 9<\/b>"}},{"type":"paragraph","data":{"text":"Ирмос: Странствия Владычня \/ и безсмертныя трапезы на Горнем месте \/ высокими умы, \/ вернии, приидите, насладимся \/ возшедша Слова, \/от Слова научившеся, \/ Егоже величаем."}},{"type":"paragraph","data":{"text":"Безсмертныя трапезы и жизни вечныя во Царствии Божием \/ наслаждаются ныне новомученицы и исповедницы Российстии, \/ исполнися бо на них обетование Господне: \/ побеждающим дам сести со Мною на Престоле Моем."}},{"type":"paragraph","data":{"text":"Да прославятся с лики новомучеников и исповедников Российских жены богомудрыя земли нашея, \/ яже мироносиц восприемшя чин и мужески Христу последовавшя, \/ страдания за Имя Его претерпеша \/ и верно отцем, мужем и братиям нашим, Христа ради мучимым, послужиша. \/ Сего ради ныне в жизни вечней вкупе с ними \/ трапезы безсмертныя наслаждаются."}},{"type":"paragraph","data":{"text":"Жизнодавче Господи, \/ молитвами новомучеников и исповедников Российских \/ упокой со всеми праведными верныя рабы Твоя, за имя Твое пострадавшыя: \/ святители и иереи, монаси и мирстии, \/ старыя, юныя и всяк возраст, именуемыя и неименуемыя, \/ яко истинныя сыны и други Божия."}},{"type":"paragraph","data":{"text":"Богородичен: Яко Взбранная Воевода воинства новомучеников и исповедников Российских, \/ державный покров и милостивное заступление явила еси, Пресвятая Дево, земли нашей, \/ опустошаемой скорбными и безбожными наведении. \/ Сего ради ныне молим Тя: \/ прости люди согрешшыя и сохрани Святую Русь."}},{"type":"paragraph","data":{"text":"Светилен новомучеником:<\/b>"}},{"type":"paragraph","data":{"text":"Яко отребие, миру бысте, святии новомученицы и исповедницы Российстии, \/ камением побиени быша, претрени быша, \/ искушени быша, убийством меча умроша, \/ свидетельствующе о Свете Истиннем, Иисусе Христе, Господе нашем."}},{"type":"paragraph","data":{"text":"На хвалитех стихиры новомучеником, глас 8.<\/b>"}},{"type":"paragraph","data":{"text":"Подобен:<\/b> О, преславнаго чудесе:"}},{"type":"paragraph","data":{"text":"О, преславнаго чудесе! \/ В последняя времена возсиявают мученицы \/ и прелести мрак отгоняют, \/ вера христианская ныне возвышается \/ и падает нечестие, \/ радуются вернии \/ и праздник новоявленным составляют, \/ вопиюще Христу Богу: \/ мучеников похвала и победа Ты еси, Всесильне."}},{"type":"paragraph","data":{"text":"Творение святителя Афанасия Ковровскаго.<\/b>"}},{"type":"paragraph","data":{"text":"Веры бронями, \/ и щитом благодати, \/ и креста копием вооружившеся, \/ сопротивным силам непобедими бысте \/ и, яко Божественнии храборницы, \/ демонская ополчения победивше, \/ со ангелы ликуете, \/ верныя же заступаете, и освящаете, \/ и спасаете, призываемии."}},{"type":"paragraph","data":{"text":"Творение святителя Афанасия Ковровскаго.<\/b>"}},{"type":"paragraph","data":{"text":"О, преславнаго чудесе! \/ Чудес светлостьми \/ солнца светлейше \/ присно святии сродницы наши \/ светят концем Русския земли, \/ от невечерняго Света облистаеми, \/ ихже сиянии \/ облацы от страны нашея отгоняются варварстии \/ и демони побеждаются."}},{"type":"paragraph","data":{"text":"Слава, глас 6:<\/b>"}},{"type":"paragraph","data":{"text":"Новоявленныя звезды днесь \/ на церковней показашася тверди, \/ во мнозех местех бывшии мученицы Христовы, \/ ихже ублажающе, мучениколюбцы, \/ по долгу им прирцем, глаголюще: радуйтеся, благочестия утверждение и нечестия обуздание; \/ радуйтеся, Российския Церкве славо и безбожных посрамление; \/ радуйтеся, образи терпения и за Христа страдания. \/ Станите, непобедимии, посреде нас умне, \/ от бед и искушений избавляюще, \/ и молитеся о спасении душ наших."}},{"type":"paragraph","data":{"text":"И ныне, Богородичен.<\/b>"}},{"type":"paragraph","data":{"text":"НА ЛИТУРГИИ<\/b>"}},{"type":"paragraph","data":{"text":"Прокимен, Апостол, Евангелие и Причастен воскресны гласа. И новомучеником прокимен, глас 7: Бог нам Прибежище и Сила. Стих: Помощник в скорбех, обретших ны зело. Апостол к Римляном, зачало 99 (гл. 8, 31-39). Евангелие от Луки зачало 105-106. Конец: В терпении вашем стяжайте души ваша (гл. 21, 8-19). Причастен: Радуйтеся, праведнии, о Господе:"}},{"type":"paragraph","data":{"text":"Молитва:<\/b>"}},{"type":"paragraph","data":{"text":"О, святии новомученицы и исповедницы Российстии: \/ святителие и пастырие Церкве Христовы, \/ Царственнии страстотерпцы, \/ благовернии князие и княгини, \/ доблии воини, монаси и мирстии, \/ благочестивии мужие и жены, \/ во всяцем возрасте и сословии за Христа пострадавшии, \/ верность Ему даже до смерти свидетельствовавшии \/ и венец жизни от Него приявшии!"}},{"type":"paragraph","data":{"text":"Вы во дни гонения лютаго, \/ землю нашу от безбожных постигшаго, \/ на судищах, в заточениих и пропастех земных, \/ в горьких работах и всяких скорбных обстояниих \/ образ терпения и непостыднаго упования мужественне явили есте. \/ Ныне же, в раи сладости наслаждающеся, \/ пред Престолом Божиим во славе предстоите \/ и присно хвалу и ходатайство со Ангелы и всеми святыми Триединому Богу возносите."}},{"type":"paragraph","data":{"text":"Сего ради мы, недостойнии, \/ молим вас, святии сродницы наши: \/ не забудите земнаго отечества вашего, \/ грехом каинова братоубийства, \/ поруганием святынь, безбожием и нашими беззаконии отягченнаго. \/ Умолите Господа Сил, \/ да утвердит Церковь Свою непоколебиму в мире сем многомятежнем и лукавом; \/ да возродит в земли нашей дух братолюбия и мира; \/ да паки будем мы царское священие, \/ род Божий, избранный и святый, \/ присно с вами славящий Отца и Сына и Святаго Духа во веки веков. Аминь."}},{"type":"paragraph","data":{"text":"Издательский отдел Московской епархии"}},{"type":"paragraph","data":{"text":"2002 г."}},{"type":"linking","data":{"type":"32","items":["3"]}}],"version":"2.16.1"}

Служба новомучеником и исповедником Российским

Священник Константин Костромин. Первоначальные церковные контакты Руси с Западной Европой